Nga sot do të nisin gjobat, kush nxjerr në qarkullim qeset plastike. Kjo pasi qeset plastike mbeten armiku numër një i mjedisit në mbarë botën. Në vendin tonë përdoren mbi 1 milion qese në ditë.
Duke iu referuar ligjit, çdo subjekt që i prodhon dhe nxjerr ato në qarkullim, gjobitet me 1-1.5 milionë lekë. Në ditën e parë të implementimit, supermarketet dhe dyqanet e kryeqytetit vijojnë përdorimin e tyre.
Vendimi i qeverisë
Vendimi i qeverisë parashikon përdorimin e qeseve të degradueshme dhe me trashësi më të vogël se 35 mikron. Drejtoresha e Mjedisit, Klodi Marika, ka deklaruar se me rëndësi mbetet ndërgjegjësimi i qytetarëve.“Nuk është se do të dalim si një task-forcë, që të marrim direkt masat, apo të vendosim gjoba. Megjithatë, masat duhet të jenë shtrënguese për vetë faktin që natyra ka filluar të reagojë keq ndaj gjithë këtij mbiprodhimi të qeseve, kundrejt mjedisit”.
