Kryetarja e LSI, Monika Kryemadhi u gjobit sot nga policia për herë të dytë brenda pak ditësh, pasi nuk mbante maskë gjatë një takimi me qytetarët në Durrës.
Lidhur me këtë, ka reaguar edhe kreu i grupit palamentar dhe njëkohësisht, deputeti i PS, Taulant Balla,
Gjatë fjalës së tij në parlament, Balla u shpreh se kushdo që nuk respekton urdhrin e qeverisë për mbajtjen e maskës, do të përballet me ligjin pasi është njësoj për të gjithë.
Taulant Balla: “Media publikon shpesh raste politikanësh të papërgjegjshëm sikurse, është një zonjë që i bën bisht ligjit, por ligji duhet të veprojë njësoj për të gjithë. Kur gjobiten 700 qytetarë në ditë edhe Monika Kryemadhi, burri i saj apo kush është tjetër duhet të gjobitet, të paguajë gjobën. Dua të kujtoj që ky Kuvend ka miratuar edhe masa të tjera, penalitete më të rënda, sikurse janë ndryshimet në Kodin Penal’’.
