Cristiano Ronaldo ka vërtetuar edhe njëherë se ai është ‘eksperti’ i Champions League. Ylli portugez ka shënuar tre gola për Juventusin në përballjen me Atletico Madrid duke përmbysur gjithçka dhe kaloi bardhezinjtë në fazën tjetër.
Ajo që dukej si një arritje e pamundur është kthyer në realitet nga njeriu i Champions-it, i cili është në kërkim të kupës së katërt radhazi me veshët e mëdhenj.
Giorgio Chiellini, i cili është bërë lojtari i pestë në historinë e Juventus me 500 ndeshje në të gjitha kompeticionet, ka zhbllokuar ndeshjen pas katër minutash lojë, por goli është anuluar për një faull të Ronaldo-s ndaj portierit Oblak.
Portugezi e ka shlyer gabimin duke zhbllokuar ndeshjen në minutën e 27-të me goditjen e tij të parë drejt portës dhe me prekjen e parë të topit në zonën e rreptësisë kundërshtare. Katër minuta pas fillimit të pjesës së dytë, “Air Ronaldo” ka goditur përsëri, duke çuar shifrat në 2-0.
Qershia mbi tortë ka ardhur në minutën e 86-të, kur Ronaldo ka transformuar në gol penalltinë e fituar nga Bernardeschi dhe ka fiksuar shifrat në 3-0, duke i dhuruar një kualifikim historik bardhezinjve në Champions League.
Në fakt, Juventus nuk kishte arritur të përmbyste asnjë nga pesë humbjet e mëparshme 2-0 të pësuara në ndeshjet e para të fazës me eliminim direkt të Kupës së Kampionëve/Champions League.
Gjithçka falë Cristiano Ronaldo-s!
