Damian Gjiknuri, bashkëkryetari i Komisionit për Reformën Zgjedhore, ka dhënë një deklaratë për mediat pas takimit të Këshillit Politik që është mbajtur sot. Gjiknuri tha se janë arritur disa konsensuse me Partinë Demokratike për disa çështje, po ashtu ai tha se çështja e zgjedhjeve të parakoshme ka përfunduar dhe nuk ka për të ndodhur. Sipas tij, propozimet e PD-së nuk mund të vënë në pikëpyetje Reformën në Drejtësi. E po kështu, nëse do PD që t’i kthehet institucioneve, nuk ka pse të bëjë lojën e presidentit.
“Diskutuam për Kolegjin. Të them të drejtën, konstatuam disa propozime që kërkojnë rishikim, sepse nuk mund të vejmë në pikëpyetje Reformën në Drejtësi. Jemi të gatshëm të gjejmë një zgjidhje, por pa vënë në rrezik reformën.
Diskutuam për në sërë çështjesh. Jemi duke progresuar. Gjërat principate me organizimin kushtetues, nuk mund t’i vëmë në pikëpyetje për disa shqetësime që ka PD.
Ruajtja për rolin e policisë, për ruajtjen e rendit në qendrën e votimit, do t’i pranojmë. PD është aty për të miratuar Kodin Zgjedhor, në bashkëpunim me ne dhe parlamentin që do ta miratojë. Nëse duan dhe vërtetë kanë vendosur që t’i kthehen institucioneve, s’ka pse PD që të përfshihet në lojën e presidentit”.
Gjiknuri shtoi se nuk është normale qe Vettingu mund të bllokohet, për shkak të formimit të Kolegjit Zgjedhor. “Nuk është normale që Vettingu të bllokohet për shkak të formimit të Kolegjit Zgjedhor. Gjyqtarët që kanë kaluar Vettingun, të jenë pjesë e formimit të Kolegjit Zgjedhor. Nuk duam që propozimet e PD të ndalojnë zbatimin e Kushtetutës”.
