Rrugët mes Elseid Hysajt dhe Napolit duket se me të gjitha gjasat do të ndahen në merkaton e verës. “TuttoSport” ka raportuar ditën e sotme se në zyrat e klubit ka mbërritur oferta e parë.
Është Atletico Madrid që kërkon të rrëmbejë mbrojtësin shqiptar dhe oferta e parë ka qenë 20 milionë euro. Por kjo duket shumë larg nga ajo që kërkon Napoli, të paktën 40 milionë euro.
Megjithatë, një interes i gjallë mbetet edhe nga zhvillimet që pritet të vijnë nga Torino. Nëse Juventus do të emërojë Sarrin në krye të pankinës, gjasat që Hysaj ta ndjek me ngjyrat bardhezi janë të mëdha. Gjasat që Hysaj të qëndrojë nën drejtimin e Ancelottit te Napoli, sa vjen dhe zvogëlohen.
