Teksa Gjermania është përfshirë nga përmbytjet që kanë shkaktuar më shumë se 150 viktima, po shtohen pyetjet nëse sistemi i paralajmërimit të motit në vend nuk arriti t’i mbante qytetarët të sigurt.
Megjithëse shërbimet meteorologjike kishin parashikuar shi të rrëmbyeshëm dhe përmbytje të mëdha për Gjermaninë perëndimore javën e kaluar, shumë banorë thanë se ata u kapën në befasi nga ky mot ekstrem, që shkaktoi dëme kolosale në dëme materiale, dhe humbje jete njerëzish, shkruan PhysOrg.
“Ne nuk duhet të mbajmë zi për kaq shumë viktima në 2021,” i tha Hannah Cloke, një profesore e hidrologjisë në Universitetin e Reading, transmetuesit gjerman ZDF.
Sipas sistemit federal të Gjermanisë, i takon 16 shteteve rajonale të organizojnë përgjigjet ndaj alarmeve të përmbytjeve dhe të koordinojnë përpjekjet me zyrën e mbrojtjes civile dhe shërbimet zjarrfikëse.
Shumë autoritete lokale përdorin sirena, njoftime të altoparlantëve ose buletine radiotelevizive për të paralajmëruar banorët për rrezik akut ose për të lëshuar urdhra për evakuim. Ka edhe aplikacione për smartphone për të mbajtur përdoruesit të azhurnuar në lidhje me motin ekstrem në zonën e tyre.
Por gazeta Bild dënoi “dështimin” për të ndërmarrë veprime të hershme në shtetet e goditura të Rhineland-Palatinate dhe North-Rhine Westphalia.
“Sirenat qëndruan të qeta në shumë vende, u lëshuan shumë pak alarme,” shkruajti ajo, duke etiketuar përmbytjen vdekjeprurëse që pasoi “një katastrofë për mbrojtjen civile, një nga punët më thelbësore të shtetit”.
