Përfundon supersfida e grupit F. Gjermania ka shkatërruar Portugalinë e Kristiano Ronaldos, ku fushën e futbollit, e ktheu në fushë pokeri. 90 minutat e këtij takimi prodhuan gola dhe spektakël, pasi ndeshja u mbyll me përmbysjen e “Pancerave”, me rezultatin 2-4.
Gjermanët gjetën golin pas 4 minutash lojë me anë të Robin Gosens, por një lëvizje e Gnabri, do ta bënte të pavlefshëm rrjetën…
Edhe pse goli ishte spektakolar, arbitri e anuloi për pozicion jashtë loje, të lojtarit të Bajernit, që zgjati këmbën, në tentativë për të kapur topin, që përfundoi te Gosens në shtyllën e dytë.
Pasi për 10 minuta, Gjermania po dominonte ndaj Portugalisë me raste dhe pressing, erdhi një kundërsulm rrufe gjatë një goditje këndi për ekipin e Lëv…
Portugalia u nis shpejt dhe Bernardo Silva gjeti Diogo Jotan, që më pas pasoi për Ronaldon, i cili me portën e boshatisur realizoi golin.
Gjermania arriti të barazojë ndeshjen me meritë, duke qenë se po dominon dhe po mban topin, teksa ekipi i Ronaldos pret për kundërsulme.
Këtë herë, Gosens, të cilit iu anulua goli, dha një super asist për Havertz, por Dias ishte ai që devijoi te porta e tij.
Një aksion i bukur nga ekipi i Lëv, që nuk u ndal me kaq, por brenda pak minutash realizoi edhe golin e dytë, sërish autogol, tani nga Guerrero.
Në minutën e 51, Gjermania shënoi golin e tretë. Havertz dërgoi topin në rrjetë, pas asistit të radhës së Gosens. Ylli i Atalantës ishte përgjegjës edhe për autogolin e parë të portugezëve.
9 minuta më vonë, “Pancerat” kompletuan “pokerin”. Autori i golit të katërt ishte Gosens, lojtari më i mirë në fushë për gjermanët, me 2 asiste dhe dy gola, njëri i anuluar për pozicion jashtë loje nga VAR.
Gjermania bëhet skuadra e parë që shënon katër gola në një ndeshje të Euro 2020. Në minutën e 67, Diogo Zhota ngushtoi diferencat falë asistit të Ronaldos.
