Në një kohë kur shkencëtarët po bëjnë ç’është e mundur për të gjetur një vaksinë kundër koronavirusit, ky i fundit vijon që të marrë jetë njerëzish.
Autoritetet zyrtare në Gjermani kanë bërë me dije se situata nuk paraqitet aspak e mirë.
Në këtë shtet është shënuar së fundmi shifra më e lartë ditore e viktimave nga COVID-19.
Raportohet se në harkun kohor prej 24 orëve kanë ndërruar jetë 315 persona.
Numri total i viktimave është 3.804, ndërsa i të të infektuarve 130,450.
Kujtojmë se ditën e djeshme kancelarja gjermane Angela Merkel, deklaroi se masat kufizuese do të vazhdojnë deri më 3 maj.
