Gjermania do ti vijë në ndihmë Italisë, pas vdekjeve masive që përjeton vendi. Ky vendim është marrë pas konsultimit me doktorët rreth kapacitetit të spitaleve. Për rrjedhojë, spitalet në Gjermani do të trajtojnë të paktën gjashtë pacientë italianë të prekur nga COVID-19, që s’mund të marrin ndihmë në vendin e tyre. Me këtë gjest për tu vlerësuar, Gjermania është vendi i parë në botë që po mundëson transferimin dhe trajtimin e pacientëve italianë të prekur nga COVID-19.
“Qeveria italiane na kërkoi pak ditë më parë nëse mund të kujdeseshim për pacientë për të cilët Italia s’po kujdeset dot. Pas konsultimit me doktorët rreth kapacitetit të spitaleve, Saksonia ra dakord të trajtojë gjashtë pacientë në Dresden dhe Leipzig”, tha guvernatori Michael Kretschmer, duke e quajtur këtë një shenjë solidariteti.
Duket se Gjermania nuk do të ndalet me kaq, pasi ka shprehur gatishmërinë të mirëpresë edhe pacientë francezë në spitalet gjermane në zonën në kufi me Francën.
