Në një video-konferencë, ministri gjerman i Shëndetësisë, Jens Spahn, i cili është diagnostikuar me koronavirus, ka thënë se kompania BioNTech e Gjermanisë është afër miratimit të vaksinës së saj.
I pyetur se kur i pret vaksinat e para, Spahn është shprehur mjaft entuzist, se kjo mund të ndodhë në një periudhë shumë të shkurtër kohore. “Kjo mund të ndodhë para fundit të vitit”, citon Bild pjesëmarrësit në video-konferencë.
Gjermania po përgatitet të nisë vaksinimin kundër koronavirusit përpara fundit të vitit, shkruan e përditshmja gjermane Bild.
Ministria e Shëndetësisë planifikon të krijojë 60 qendra të posaçme vaksinimi, për të siguruar që vaksinat mund të ruhen në temperaturën e duhur, dhe u ka kërkuar 16 landeve federale të vendit që t’i japin adresat për to deri më 10 nëntor, raporton Bild.
