Një persona ka vrarë me thikë 3 persona dhe ka plagosur disa të tjerë. Ngjarja e rëndë ndodhi në qytetin Wurzburg të Gjermanisë, teksa agresori është arrestuar nga autoritetet policore.
Policia e identifikoi të dyshuarin si një 24-vjeçar nga Somalia, cili jetonte në Wuerzburg. Ende nuk dihet saktësisht se sa është numri i të plagosurve, dhe motivet që e çuan të riun që të kryente një akt të tillë, shkruan ABC News.
“Ai kishte një thikë vërtet të madhe dhe po sulmonte njerëzit. Dhe pastaj shumë njerëz u përpoqën t’i hidhnin karrige ose cadra ose telefona celularë dhe ta ndalonin.” Policia më pas iu afrua dhe mendoj se u qëllua, ju mund ta dëgjoni atë qartë.”, tha një dëshmitare.
Policia ka mbyllur pjesë të qendrës së qytetit për një “operacion madhor” dhe u kërkoi banorëve që të qëndrojnë larg.
“E kemi arrestuar të dyshuarin. Nuk ka indikacione që të kemi të bëjmë me një tjetër të dyshuar. Nuk ka rrezik për popullatën,” njoftoi policia në Twitter.
