E enjte, 20 Janar, 2022
3.5 C
Tirana

Dekorime dhe certifikata për punë në nëndetëse, por më penalizojnë në pension

Fiks Fare denoncoi mbrëmjen e së premtes sorollatjet e një ish-ushtaraku, i cili ka punuar në nëndetëse për më shumë se 20 vite. Hysni Bajrami thotë se ka ka punuar në Flotën Detare nga viti 1970 deri në vitin 1992, ku është nxjerrë në lirim.

“Në vitin 1996 kam dalë në pension, kam marrë pension pleqërie. Unë kam punuar në nëndetëse, në Flotë Detare, madje kam marrë edhe dekorata. Puna jonë ka qenë tejet e vështirë, pasi unë kam pasur gradën nënoficer dhe polumbar. Ligji e përcaktonte se me një punë të tillë, dilje 50 vjeç në pension. Kam punuar në nëndetëse në Durrës dhe Shëngjin” thotë z.Bajrami.

Më tej pohon se, problemi aktual, për të cilin i është drejtuar emisionit “Fiks Fare” është se s’merr dot pension suplementar. “Të gjithë shokët e mi marrin pension suplementar, kurse unë s’marr. Në vitin 1996 unë dorëzova dokumentin nga reparti që specifikohej se grada ishe nënoficer dhe polumbar. Me këtë punë kishte ligj se dilje në pension 50 vjeç. Dhe unë ashtu dola. Deri tani marr pension pleqërie, s’kam as suplementar. Kam kërkuar te Sigurimet Shoqërore në Durrës, më thonë se i kanë dërguar shkresa arkivit të ushtrisë. Kjo i kthen përgjigje se s’gjejmë dosje në arkivë. Atëherë e konfirmuan, kurse tani jo. Ushtria ka dalë për skrap” thotë Hysniu.

Bashkë me denoncuesin, gazetarët shkojnë dhe interesohen pranë Sigurimeve Shoqërore në Durrës. Ai thotë se në vitin 1978 ka marrë një medalje pune, me një dekret nga Presidiumi i Kuvendit Popullor. “Është reguar punëtor i palodhur dhe i disiplinuar. Këmnëgul për plotësimin në kohë dhe me cilësi të detyrave të ngarkuara, duke u bërë shembull për të tjerët” thuhet në këtë mdealje të punës, të firmosur nga Haxhi Lleshi. Ndërkohë, në dhjetor të vitin 2019, z.Hysni bajrami merr nga Komanda e Forcës Detare, në Ministrinë e Brendshme, edhe një certifikatë mirënjohje. “I jepet z.Hysni Bajrami. Falendërim dhe mirënjohje për kontributin e dhënë ndër vite në Forcën Detare” thuhet në këtë certifikatë, e firmosur nga z.Artur Meçollari. “Moralisht më vlerësojnë, financiarisht jo. Më japin medalje dhe certifikata, por te Sigurimet Shoqërore kthejnë përgjigje se nuk ka dosje” thotë Hysniu.

Gazetarët e Fiks Fare u interesuan te Sigurimet Shoqërore në Durrës, ku specialistja që është marrë me rastin thotë se në vitin 1996, kur ka dalë në pension z.Hysni Bajrami, ka dorëzuar një dokument që thotë se është n/oficer dhe polumbar, pra një profesion i vështirë. Ai ka bërë kërkesë për suplement në pension, sipas edhe parashikimeve ligjore. “I kemi kërkuar Qendrës së Personelit të Rekrutimit, pranë Ministrisë së Brendshme, informacion për z.Bajrami dhe na kanë kthyer përgjigje se ‘ka mangësi në dokumentacion përsa i përket periudhës si nënoficer aktiv’.

Nëse na konfirmojnë gradën dhe pozicionin, atëherë z.Bajrami e përfiton këtë suplement” thotë specialistja. Pyetjes se, në vitin 1996 kur doli në pension, a i është konfirmuar pozicioni dhe grada, specialistja thotë se “në vitin 1996 i është konfirmuar, ndërsa aktualisht jo”. Pra, ndryshe nga medaljet dhe certifikatat, në dokumentet që kanë efekt financiar, Ministria e Mbrojtjes i kthen përgjigje negative ish-ushtarakut Hysni Bajrami./Top Channel

- Reklama -

Më shumë nga kategoria




Të fundit

Tre djem dhe një vajzë në hotel, pranga të riut që qëlloi shokun me pistoletë

Më shumë se një muaj pas ngjarjes është prangosur në Tiranë autori i plagosjes me armë zjarri në një hotel në autostradën Durrës-Tiranë. 26-vjeçari...

Avokati mashtrues, merr 11 mijë paund për vizë studimi në Angli

Rreth dy muaj më parë, “Stop” transmetoi rastin e avokatit Sokol Berberi, i cili i mori 3 mijë euro një qytetari për vizë pune...

6 marsi, testi kyç i Bashës

Nga: Eduard Zaloshnja Nga komunikimi publik i Presidentit Meta, duket pothuaj plotësisht e sigurtë se zgjedhjet e pjesshme lokale në 6 bashki do të zhvillohen...

Çmimet e reja në Kosovë, si do të llogaritet fatura e energjisë së shpenzuar

Zyra e Rregullatorit të Energjisë ka publikuar një kalkulator për llogaritjen e faturave të energjisë elektrike, pas propozimit për ndryshim të tarifave. Në këtë...

Rënie e lehtë e euros dhe paundit britanik, këmbimi valutor për ditën e sotme

Në kursin e këmbimit valutor, sot vihet re një rënie e lehtë e euros dhe paundit britanik. Ndërkohë, dollari dhe franga zvicerane kanë shënuar...