Karabinierët e stacionit të Basovizzës, gjatë një kontrolli kanë rënë në gjurmë dhe arrestuan një shtetas shqiptar 40-vjeçar, me nofkën “tullac”, teksa tentonte të arrinte në vendin e tij.
Në fakt ndaj tij është në pritje një urdhër arresti me burg, për ndihmë dhe shfrytëzim prostitucioni për akte të kryera në Bolonjë në vitin 2013.
Pas arrestimit, ai u dërgua në burgun Coroneo. Burri kishte rekrutuar vajza të bukura dhe tërheqëse në Shqipëri, të cilat i kishte sjellë në Itali me premtimin për një punë të qëndrueshme.
Organizata, nga ana tjetër, i detyronte të prostituonin dhe i kishte besuar “tullacit” detyrën që t’i vishte vajzat siç duhet.
Të ardhurat e prostitucionit, natyrisht, përfundonin në xhepat e burrit, përgjegjës për vetë organizimin e menaxhimit të trafikut. Megjithatë, disa vajza kishin denoncuar shfrytëzuesit e tyre, të cilët megjithatë arritën të arratiseshin, përfshirë edhe burrin e sapo arrestuar.
Burimi i lajmit: ANSA. Përshtatur nga Tirana Today
