Pas dënimit me 1 vit burg nga Gjykata e Tiranës dhënë ditën e sotme, ish-deputeti demokrat Ervin Salianji deklaroi se ka pasur oferta dhe kërcënime për çështjen “Babale”. Ai u akuzua për “Kallëzimit të rremë” mbi përfshirjen në inskenimin e audio-përgjimit të vëllait të ish-ministrit të Brendshëm, Fatmir Xhafaj.
I ftuar këtë të mërkurë në “Opinion”, Salianji theksoi se njerëzit më të afërt të Agron Xhafajt ende vijojnë të ushtrojnë aktivitetin kriminal.
“Ti kujton se nuk më kanë bërë ofertë këta mua para se ta publikoja videon? Ofertë me joshje, kërcënim, bandat nëpërmjet njerëzve kanë sjellë joshje para se ta publikonim si material. Nëse ti na hyn në familje dhe na godet në mënyrë personale ne do të bëjmë këtë-këtë-këtë.
“Personat që kanë ardhur janë persona të malavitës, unë e thash këtë meqë thatë pse nuk shkon, sepse mafia këtu gjeneron miliarda dollarë. E dini ju që shoferi gjeneron pushtet politik, përfshi dhe ministrin. E dini që shoferi dhe një nga njerëzit më të afërt të Agron Xhafajt jo vetëm e vazhdon aktivitetin kriminal po dhe është kapur në gusht me tonelata drogë në Greqi . Shoferi personal”, tha Ervin Salianji.
