Situata e krijuar nga tërmeti i djeshëm që goditi vendin ka mbledhur qeverinë në një mbledhje të jashtëzakonshme. Gjatë fjalës së tij, Kryeministri Rama shpjegoi se përse nuk është shpallur gjendja e jashtëzakonshme deri tani. Ai u premtoi familjeve të dëmtuara rindërtimin e plotë të shtëpive.
“Do shpallim gjendjen e jashtëzakonshme bazuar në Kushtetutë. Ashtu si Kushtetua dhe legjislacioni shtjellojnë, natyra e problematikës dhe situata duhet të jetë një një gjendje të jashtëzakonshme në perimetrin e dy rajoneve që janë prekur drejtpërdrejtë, Tiranës dhe Durrësit. Por për atë që nuk e dinë, gjendja e jashtëzakonshme nuk është çështje thjesht financash. E thashe dje dhe e thotë dhe historia jonë. Pasi çështjen financiare si kemi lënë asgjë mangët. Nuk e di nëse janë të gatshëm ata që e predikonin gjendjen e jashtëzakonshme që t’u nënshtrohen këtyre masave”-tha Rama.
Një komb në zi. Tërmeti me bilanc lufte, 24 viktima e 657 të lënduar
Kreu i ekzekutivit foli dhe për financat e nevojshme për përballimin e kësaj fatkeqësie. Sipas tij, për të përballuar situatën do të ndihmojnë vendet aleate dhe partnere.
“Nëse Zoti nuk ka bërë ndonjë plan tjetër do të jemi për pak ditë në samitin e NATO-s. Ramë dakord që jashtë tryezës së samitit të bëjmë një diskutim, se si do të adresohet kjo plagë e hapur ne vend dhe si do ndihmohet shoqëria, shteti dhe njerëzit e prekur”- tha Rama.
