Pas atentatit ku mbetën të plagosur tre persona, Policia ka gjetur të braktisur automjetin e autorëve.
Mësohet se makina tip “Benz”, ngjyrë gri, me targa shqiptare është gjetur në rrugën dytësore që lidh Shkozetin me Fushë-Krujen, në rrugën për Ishëm. Po ashtu, brenda mjetit u gjetën edhe dy kallashnikovë dhe dy maska.
Deri më tani, ende nuk janë identifikuar autorët apo të ketë ndonjë pistë konkrete hetimi. Ndërsa janë shoqëruar disa persona që kanë qenë në vendin e ngjarjes për të dhënë më shumë informacion.
Nga të shtënat me armë zjarri në drejtim të mjetit, mbetën të plagosur prokurori Arjan Ndoja, shoferi i tij Andi Maloku dhe Aleksandër Laho, i njohur ndryshe dhe si Landi Muharremi.
