Trupi i pajetë i një vajze, i gjetur në një varr të cekët në Kaliforni të martën, besohet të jenë i aktores shqiptare të Adea Shabanit, e cila rezulton e zhdukur prej një muaji.
Shabani, 25 vjeç, u pa për herë të fundit në Hollywood më 23 shkurt, por Departamenti i Policisë Los Anxheles tha në një konferencë shtypi të martën se trupi i pajetë, besohet të jenë i shqiptares së zhdukur, i cili u gjet në Spenceville Wildlife Area në Nevada County, rreth 60 milje në veri të Sacramento, shkruan foxnews.com.
Zyrtarët thanë se ndërsa ata besonin se mbetjet i përkisnin vajzës së zhdukur, por pritet që përgjigjen përfundimtare ta japë autopsia.
Autoritetet shtuajnë se besojnë se Christopher Spotz, një 33 vjeçar, besohet të ishte i dashuri i Shabanit, i cili fatalisht vrau veten të enjten, pasi po e ndiqte policia. Besohet se ai ishte përfshirë në vdekjen e aktores shqiptare. Ai konsiderohej person i dyshuar për zhdukjen e Shabanit.
Hetuesit u çuan në zonën në kërkim të Shabanit dhe “zbuluan një varr të cekët” në Dry Creek rreth orës 8 të mëngjesit, shkroi Zyra e Sheriffit të Qarkut Nevada në Facebook.
E lindur në Maqedoni, Shabani u shpërngul në SHBA dy vjet më parë për të ndjekur një karrierë në aktrimin. Ajo kishte jetuar në Los Anxheles, vendi ku ajo ishte parë për herë të fundit. Detektivët po hetojnë për një rast vrasjeje. TIRANA TODAY
