Dy vëllezër janë gjetur të vrarë në fshatin Kryshec të Pejës. Ngjarja e rëndë raportohet të ketë ndodhur gjate natës, saktësisht mbrëmë rreth orës 22:00.
Lajmin e ka konfirmuar kryeprokurori i Pejës, Agim Kurmehaj.
Kryeprokurori tha se akoma nuk ka persona të dyshuar për këtë rast, ndërsa hetimet janë duke vazhduar.
Dy trupat e të vrarëve janë dërguar për autopsi dhe priten hetimet për të hedhur drite mbi atë që ka ndodhur.
Dyshohet se janë vëllezërit e dy vëllezërve të tjerë, po ashtu të vrarë, 11 vite më parë, në vitin 2006.
Burime brenda Policisë bëjnë të ditur se viktimat i takojnë familjes Berisha të Kosuriqit të Pejës, raporton Klankosova.
Ndonëse akoma e pakonfirmuar, dyshohet se këto dy vrasje të rënda kanë ndërlidhje me njëra-tjetrën.
