Sipas burimeve jozyrtare, brenda 24 orëve rreth 500 qytetarë të Shqipërisë janë strehuar në Kosovë. Sipas raportimeve, të një prej vullnetarëve kosovarë deri tani 420 kanë arritur në Kosovë. Ndërkohë, në orët në vijim atyre pritet t’u bashkohen edhe 90 të tjerë.
“Ne jemi vullnetarë që kemi ardh këtu dhe jemi në bashkëpunim me kompanitë e ndryshme. Numri total që janë dërgu në Kosovë janë 420 persona”, tha vullnetari nga Kosova.
Një komb në zi. Tërmeti me bilanc lufte, 24 viktima e 657 të lënduar
“90 persona tani do të dërgohen në Kosovë brenda gjysmë ore, janë edhe disa të tjera që presin të shkojnë në Kosovë me makina private”, shtoi ai.
Shumë kosovarë vullnetarë që nga dita e djeshme kanë shprehur vullnetin e mirë që në shtëpitë e tyre të strehojnë banorët të cilëve iu është shkatërruar shtëpia gjatë tërmetit, ose ata që nuk ndihen të sigurt të qëndrojnë.
