Dëshira për të poseduar sa më shumë florinj, i ka detyruar disa grabitës që të hapin një gropë 6 metra të thellë në Kishën e Shën Mërisë. Personat në fjalë që kanë shkaktuar një dëm të madh në kishën e Shën Marisë në fshatin Vodicë të Kolonjës, nuk janë identifikuar ende.
Duke iu referuar punonjësve të institucionit fetar, personat e përfshirë në ngjarje kanë hapur një gropë mbi 6 metra të thellë, dhe 1 metër të gjerë te pagëzimorja e kishës.
Sipas të dhënave paraprake, gërmimet janë bërë me qëllim për të zbuluar objekte ari. Policia ka nisur hetimet për zbardhjen e ngjarjes, në bashkëpunim me Prokurorinë e Rrethit Gjyqësor Korçë.
