Prokuroria e Tiranës ka kërkuar 1 vit e 6 muaj burg për ish-gjyqtarin e Gjykatës së Lartë, Admir Thanza. Ky i fundit akuzohet për falsifikim të formularit të dekriminalizimit, teksa nuk ka deklaruar një dënim të mëparshëm të vitit 1999 në shtetin e Italisë.
Hetimi për Thanzën nisi pas seancës dëgjimore të Komisionit të Pavarur të Kualifikimit, ku konstatoi se ai është dënuar me vendim të formës së prerë për grabitje në Itali.
Vetë ish-gjyqtari ka pretenduar se procesi ndaj tij nuk është ligjor dhe ai nuk ka pasur detyrim të deklaronte një fakt të tillë.
