Ish-deputeti Genc Ruli tha sot në ABC News se kryeministri Rama uron që Basha të fitojë zgjedhjet në Partinë Demokratike sepse atij i ka marrë magjinë e të kundërshtuarit dhe e ka mundur sistematikisht.
“Rama po shqetësohet se çfarë po ndodh në PD. Rama uron që zgjedhjet në PD ti fitojë Basha, kjo është më komode për atë sepse ky i fundit është një lider që e ka mundur në mënyrë sistematike dhe të cilit i ma marrë magjinë e të kundërshtuarit. Basha zor se e kundërshton më ramin dhe i bën një opozitë reale Ramës në parlamentin që vjen”, tha Ruli.
Gjithashtu, Ruli tha se është i habitur nga listat e Bashës dhe pohoi se as ai s’do ishte në listë edhe sikur të mos ishte tërhequr.
“Jam ministri i parë që kam dhënë dorëheqjen në vitet e para të demokracisë. Kur politika luhet keq, unë s’mund të bëhem pjesë e saj. Unë jam ndjerë pafuqishëm ndaj kësaj politike dhe e kisha detyrim që të tërhiqesha që të mos bëhesha pjesë e saj. Sa i përket Bashës, ai i habiti të gjithë me atë që bëri. Natyrisht që as unë s’do isha në listë. Në këto zgjedhje pamë që partitë qeveritare u rritën, ndërsa PD-ja ra. ODIHR-i ishte më i fortë se Basha në ankesat për zgjedhjet. Basha e humbi të drejtën e ankimit për zgjedhjet që kur bëri paktin me Ramën”, tha Ruli.
