Corriere della Sera
Gazsjellësi Trans Adriatik (Tap), tubacioni i gazit që transporton gaz nga Deti Kaspik në brigjet e Melendugno-s, në provincën e Leçes, sot filloi fazën e “provës së tregut”, e cila ndahet në një fazë të parë informuese që zgjat dy muaj përgatitorë për dorëzimin e ofertave nga palët e interesuara duke filluar nga 17 korriku 2021. Kjo fazë fillon pas miratimit nga autoritetet rregullatorë të Greqisë, Shqipërisë dhe Italisë, të projekt-propozimit të paraqitur bashkërisht nga TAP-i dhe operatorët e transportit italianë dhe grekë, Snam Rete Gas (Srg) dhe Desfa.
“Pas katër muaj e gjysmë nga fillimi i rrjedhave përmes tubacionit TAP” – thotë Luca Schieppati, drejtori menaxhues i Tap -, “ne kemi transportuar mbi 2 miliardë metra kub gaz dhe kemi ofruar një shërbim transporti të sigurt për transportuesit tanë. Mundësia e zgjerimit të kapacitetit të TAP-it në disa faza, në përputhje me evolucionin e trendit të ofertës dhe kërkesës” – vazhdoi menaxheri -, “është një mundësi e konsiderueshme, veçanërisht për vendet e rajonit të Evropës Jug-Lindore në arritjen e objektivave përkatës të dekarbonizimit ”.
Testi i tregut është një proces i rregulluar përmes të cilit transportuesit mund të kenë një kapacitet të ri afatgjatë të ofruar nga TAP-i, duke lejuar kështu zgjerimin e kapacitetit të gazsjellësit deri në 20 miliardë metra kub në vit. “Ne kemi parashikuar tre skenarë të mundshëm” – shpjegoi Marija Savova, menaxhere tregtare e TAP-it -: “një zgjerim i kufizuar (në rreth 14.4 miliardë metra kub / vit), një zgjerim i pjesshëm (në rreth 17.1 miliard metra kub / vit) dhe një zgjerim të plotë në rreth 20 miliardë metra kub / vit) “.
