Përleshje mes protestuesve që kundërshtojnë tubacionin TAP në plazhin San Foca në Melendugno dhe policisë, janë regjistruar përpara selisë së Universitetit të Salentos në Leçe të Italisë.
Në këtë të fundit po zhvillohet një konferencë midis Michele Mario Elijah, menaxher i firmës së infrastrukturës shumëkombëshe, që parashikohet të sjellë gaz natyral nga Azerbajxhani në Europë, përmes Greqisë dhe Shqipërisë.
Rreth 100 manifestues u përpoqën që të thyenin forcat e policisë duke detyruar një veprim të kontrollit midis rrugës Giuseppe Cino dhe sheshit Tancredi.
Sipas medias italiane “Libero quotidiano.it”, ka patur gjithashtu edhe hedhje vezësh. Për shkak të protestave, nuk ishte e mundur të përfundonte konferenca mbi “Sigurinë dhe mbrojtjen e mjedisit në zhvillimin e projekteve të energjisë”, të pritur në postin e Universitetit të Leçes.
Ndërsa jashtë kishte tensione mes policisë dhe protestuesve, të cilët në një farë mënyre arritën që të futeshin edhe në sallat e paarritshme të konferencës. Pas një ore ky takim u ndërpre.
Ndërprerja e konferencës së organizuar sot në Universitetin e Leçes për të diskutuar “Siguria dhe mbrojtja e mjedisit në zhvillimin e projekteve të energjisë” – shkruan TAP në një shënim – është dëshmi se ata që kundërshtojnë këtë projekt, nuk kanë disponueshmëri apo interes në trajtimin e meritave.
“Ata shfrytëzojnë çdo mundësi për të ndjekur qëllimet më të mprehta të propagandës së pozicioneve të tyre. Do të vazhdojmë të bëjmë përpjekje për të siguruar transparencë maksimale në karakteristikat teknike dhe mjedisore të projektit”, vijon sqarimin TAP. TIRANA TODAY
