Mido, një ish sulmues i Ajaxit, Romës dhe Tottenhamit, ka folur për të ardhmen e Mohamed Salah gjatë një urimi të gjatë që ia bëri yllit të Liverpoolit për arritjet e tij. Ai është shprehur se ylli egjiptian nuk është si gjithë bashkëkombësit e tij të tjerë që nuk arritën të qëndrojnë për shumë gjatë në nivele të larta në Evropë. Ai tashmë ka treguar se vlen shumë dhe di të shënojë në çdo ndeshje. Mido gjithmonë ka pasur vlerësime të larta për Salah, ndërsa tani ai shprehet se shumë shpejt mund ta shohim të mbartë fanellën e Real Madrid.
“Urime për Salah që bëhet egjiptiani që shënon më shumë gola në Evropë dhe shumë tjera që kanë për të ardhur”, thuhet fillimisht në mesazhin e Midos.
“Kujtojeni kur tifozët e Liverpoolit u befasuan kur thashë tre vjet më parë se Salah është dhjetë herë më mirë se Sterling … mirë tani ata e dinë se kisha të drejtë. Salah ka mentalitetin e duhur që të vazhdojë të luajë në nivele të larta për shumë vite dhe ky nuk është si gjithë egjiptianët tjerë që humbën rastin të luajnë gjatë në Evropë. Unë besoj se Salah nuk do të qëndrojë për një kohë të gjatë në LFC! Së shpejti ai do të shkojë në Real Madrid”, përfundoi ish-sulmuesi egjiptian.
