Brazili me shumë talente dhe me një Neymar si udhëheqës e ka mbyllur aventurën në Botërorin e Rusisë, pavarësisht se ishte nominuar si favoriti kryesor. Pas eliminimit nga Belgjika kanë shpërthyer në akuza të gjitha ndaj yllit brazilian Neymar, kryesisht për sjelljen e tij në fushë. Ai është cilësuar si një arrogant, këtë thotë edhe gazetarja Xhesika Trola e cila ka qenë e ftuar në “Top Arena”.
“E kam takuar Neymar-in para disa vitesh në Ibiza. Kërkova të bëja një foto me të, por ishte arrogant qysh atëherë dhe as denjoi të çohej në këmbë, por qëndroi më karrige i ulur. Asokohe kishte edhe një të dashur shumë xheloze që nuk e linte të bënte asgjë”, tha duke qeshur Trola.
