Gazetarja Klodiana Lala ka analizuar rastin e atentatit ndaj prokurorit, Arjan Ndoja të ndodhur pasditen e sotme.
Në një lidhje direkte për ‘News24’ nga vendi i ngjarjes, Lala hedh dyshimet se si mundet që prokurori të kishte një shoferin e tij personal. Sipas saj, zyrtarisht janë drejtuesit e prokurorive që kanë shoferë dhe që u vihet në dispozicion një automjet. Apo dhe prokurorëve që merren në mbrojtje për shkak të proceseve gjyqësore.
Gazetarja u shpreh se nuk ka informacion zyrtar nëse prokurori ka qenë në mbrojtje policore. Më tej ajo shtoi se nuk përbën shkelje ligjore nëse shoferin e paguan nga të ardhurat personale apo familjare.
“Në rastin konkret s’mund të them me siguri (për çështjen e shoferit). Nuk ka informacion zyrtar nëse ai ka qenë në mbrojtje. Nëse ka mundësi financiare për shofer, kjo nuk është e ndaluar me ligj”, tha Lala.
