Gazetarja, Erisa Zykaj është shprehur nga Brukseli se as në dhjetor nuk ka hapje negociatash për Shqipërinë.
Zykaj tha se ky është fakt i bërë i ditur nga disa prej shteteve anëtare të Unionit.
Sipas saj, dy nga kushtet kryesore të palotësuara janë funksionimi i demokracisë dhe drejtësia.
“Negociatat nuk do të çelen në dhjetor. Ky është një fakt dhe këtë e kanë bërë të ditur disa shtete anëtare të Bashkimit Europian. Nuk çelen sepse nuk janë plotësuar tre kushtet e para të kushëzimit të BE. Kanë të bëjnë me dy “D”-të e famshme. Demokracia dhe drejtësia. Dy kushtet e para janë, Reforma Zgjedhore, sipas rekomandimeve të OSBE/ODIHR dhe e dyta, funksionaliteti i plotë i Gjykatës Kushtetuese dhe Gjykatës së Lartë. Këto janë dy kushtet e para në 15 kushtet që shtetet anëtare të BE i kanë vënë Shqipërisë për të hapur ose çelur negociatat e anëtarësimit”, tha Zykaj në Tempora.
