Koronavirusi ka pushtuar sërish botën, teksa vala e dytë ka rikthyer karantinën në Gjermani dhe Francë.
Por, e njëjta masë mund të aplikohet dhe në vende të tjera europiane.
Gazetari shqiptar në Itali, Leonard Berberi thotë se me rikthimin e numrit të lartë të infektuarve dhe të vdekurve , pritet një mbyllje e dytë.
”Italia si shteti i parë që pati një situatë shumë të lartë të pandemisë, sot po ashtu ka një numër të lartë të infektuarish. Ka një ide për një mbyllje të lehtë, ndërsa për disa vende si Lombardia për një mbyllje të rëndë.
Në këtë valë të dytë po shohim një harmoni të klasës politike. Opozita kërkon që të ballafaqohen dekretet e reja deri në ardhjen e vaksinës. Ka fushatë që i kërkojnë qeverisë që të ketë një mbyllje totale të vendit. Në disa zona pas orës 23:00 nuk mund të dilet edhe nga shtëpia’’, tha Bereberi në ‘Arena’.
