Gazetari Milaim Zeka ka nxjerrë disa fakte të papublikuara më parë në lidhje me miqësinë e tij me Ilri Metën, dhe kur i ka ardhur në ndihmë kur ka patur nevojë. Ai ka thënë në emisionin “Drejt” të Luan Ramës se kur Ilir Meta ka vuajtur për bukën e gojës, ka marrë Monika Kryemadhin në punë si korrespondente. Kjo histori daton në vitin 1996.
Zekaj ka treguar se kur u plagos njeriu më i afërt i Adem Jasharit në vitin ’96 dhe ka ardhur nga Suedia për ta shëruar këtë njeri atje, Meta e ka ndihmuar që ta kalojë në aeroport se kishte pasaportë tjetër.
“Kur Meta ka vuajtur për bukën e gojës, unë dhe kolegu im Shyqyri Sejdiu, e kemi marrë Monika Kryemadhin si korrespodente për radion shtetërore të Suedisë për ta mbajtur me bukë. E dyta, kam pasur miqësi me Ilir Metën kur ka qenë kryetar i FRESH-it.
Kur u plagos njeriu më i afërt i Adem Jasharit në vitin ’96, dhe unë kam ardhur nga Suedia për ta shëruar këtë njeri atje, por Meta më ka ndihmuar që ta kaloj në aeroport se kishte pasaportë tjetër. Unë Metën nuk e kam sulmuar për punët e tij patriotike”.
