Gazetari italian: Hysaj drejt Realit, Napoli kërkon ta shkëmbejë me…

Gianluca Di Marzio ka hedhur dritë mbi të ardhmen e Elseid Hysajt, duke ngritur një hipotezë që në plan të parë duket një “çmenduri”. Duke folur për “Sky Sport” ai është shprehur se Napoli po kërkon zëvendësuesin e mbrojtësit shqiptar, pasi në drejtim të tij ka ardhur një numër i madh ofertash dhe duke konsideruar çmimin e lartë kanë vendosur që të lejojnë largimin.Klauzola e Hysajt është 50 milionë euro dhe shumë klube në Europë janë gati ta paguajnë atë. Napoli po i paraprin kësaj situate dhe po mendon për një zëvendësim sa më të mirë. Radarët e italianë janë te 20 vjeçari Hakimi, lojtari i Realit të Madridit. Mbrojtësi anësor maroken ka zhvilluar 9 ndeshje. Prania e Ancelottit në stol dhe marrëdhëniet e tij me spanjollët mund ti përshpejtojnë negociatat.