E enjte, 19 Maj, 2022
24.5 C
Tirana

Gazetari Hoxha publikon foton: Ky është vrasësi i Everest Çakës

Gazetari i njohur investigativ, Artan Hoxha ka publikuar foton e vrasësit të Everest Çakës, ngjarje e ndodhur mbrëmjen e 11 majit në  qytetin e Elbasanit.

I ftuar në ”ABC News”, Hoxha u shpreh se imazhi i autorit është marrë nga kamerat e sigurisë së një karburanti në Elbasan.

Hoxha shtoi se pas krimit autori është larguar, ka ndërruar rrobat dhe tek një pikë karburanti ka pritur taksi për t’u larguar nga qyteti

Artan Hoxha: “Ky është autori i vrasjes së Everest Cakës. Është në ambientet e një karburanti në pritje të një taksie për të shkuar në një destinacion tjetër.Ka bërë një gabim, ka qëndruar përballë kamerave në një pikë karburanti duke pritur taksi. Policia ka vënë në dispozicion 10 mijë euro për këdo që jep informacion”, u shpreh gazetari dhe publikoi foton e mësipërme. Dyshimet janë që ai vazhdon të jetë në Shqipëri. Ai atë e ka si punën e radhës. Publikimi i imazheve të tyre i nxjerr nga qarkullimi”.

Atentati mafioz në Elbasan

41-vjeçari Everest Çaka u ekzekutua në një atentat mafioz në Elbasan, në sy të bashkëshortes së tij.

Ngjarja ndodhi rreth orës 20:10 minuta në lagjen “Skënderbe”, teksa 41-vjeçari i cili njihej edhe me emrin Ibrahim Çaka, ishte duke udhëtuar me automjetin tip ‘Opel’ së bashku me bashkëshorten e tij Silvana Çaka. Autorët i kanë prerë rrugën, dhe e kanë qëlluar Çakën brenda në makinë, duke i shkaktuar atij vdekjen e menjëhershme.

Viktima, me precedentë penalë

Pista kryesore ku po hetohet është ajo e larjes së hesapeve, pasi viktima ishte një person me precedentë penalë si dhe kishte lidhje të afërta me persona të njohur të botës së krimit në Elbasan.

Ai ka qenë i dyshuar për vrasjen e shoferit Gëzim Alikaj, ngjarje e ndodhur rreth 11 vite më parë tek zona e Doganës në Elbasan. Everest Çaka, është dyshuar edhe për një ngjarje tjetër të rëndë, e ndodhur në mars 2011, ku në lagjen “Syrja Dylgjeri”, u qëlluan me nga një plumb në kokë teksa flinin në një dhomë, dy vëllezërit Xhelal dhe Pëllumb Mahmuti, si dhe babai i tyre, Emin Mahmuti.

Viktimës i kanë vrarë vite më parë vëllain në Barcelonë, ndërsa ai është djali i tezes së Arjan Spahiut i ekzekutuar në nëntorin e vitit të kaluar në Belgjikë. Ky i fundit gjithashtu ishte kunati i Erion Alibejn, i cili ndodhet pas hekurave për organizimin e disa vrasjeve.

- Reklama -

Më shumë nga kategoria




Të fundit

Presidenti/Alibeaj: Do konsultohemi me aleatët, një tjetër mbledhje nesër

Pak çaste më parë ka përfunduar mbledhja e grupit parlamentar të PD, thirrur nga Enkelejd Alibeaj. Në një prononcim për mediat, Alibeaj tha se...

SPAK i jep goditjen e fortë krimit/Rama: Mbështetje deri në fund

Kryeministri Edi Rama ka reaguar sa i takon operacionit të SPAK. Me anë të një postimi në Twitter, kreu i qeverisë thekson se ky...

Erdogan i prerë: S’do pranojmë hyrjen e Suedisë dhe Finlandës në NATO

Presidenti turk, Recep Tayyip Erdogan, tha të enjten se vendi i tij "do t'i thotë jo hyrjes së Suedisë dhe Finlandës në NATO", duke përsëritur...

Si po ndikon l*fta në furnizimet globale të ushqimit

OKB-ja tani po e quan atë një luftë tjetër brenda luftës së Rusisë në Ukrainë. Në vendin e përshkruar dikur si shporta ushqimore e...

Shkollat e universitetet pushim në 25 Maj, Tirana në “shtetrrethim”

Ministrja e Arsimit, Evis Kushi, ka njoftuar se 25 Maji do të jetë pushim për të gjitha institucionet arsimore në vend. “Referuar vendimit të qeverisë...