Ish-kryeministri Sali Berisha ka reaguar për aktorin e humorit Gazmend Paja, i cili është shpallur investitor strategjik në bregdetin e jugut dhe kompani e tij “Ecotech Energy Services” së bashku me kompaninë “Startek” kanë marrë 133 mijë m2 tokë në Dhërmi. Në një postim në Facebook, Berisha shkruan se kjo është vjedhja e fundit që ka bërë kryeministri Rama në bashkëpunim me Pajën. Sipas tij, kjo është vjedhja e fundit ne serialin e vjedhjeve të qeverisë.
“Nje vjedhje e hapur e Edvin Rames me Gaz Pajen!
Ja se si Rama dhe Paja lumturojne njeri-tjetrin me 133 mije meter katror ne Dhermi per ndertimin e Resortit “Lumturia”.
Per kete qellim Gaz Paja me nje VKM shpallet aksioner STRATEGJIK dhe merr dhuraten e perbashket me Ramen! Vjedhja e fundit ne serialin e vjedhjeve te narkoqeverise. sb
Ketu me poshte keni VKM e lumturimit te perbashket Rama-Paja.
https://www.aida.gov.al/…/Vendimet-e…/VKIS%20Startek.pdf”.
Paja ka përfituar 133 mijë metra katrorë tokë për të ndërtuar “Dhërmi Restort” një kompleks luksoz që ka fokusin turizmin elitar, tregon vendimi i Agjencisë Shqiptare të Zhvillimit të Investimeve.
Në këtë hapësirë do ndërtohen vila dhe një hotel me 5 yje. Hoteli do të ndërtohet në një sipërfaqe prej 25 mijë metra katrorë.
Pjesa tjetër prej 108 mijë metrash do përdoret për të ndërtuar vilat të cilat do të shiten nga kompanitë, dhe nuk sjellin asnjë zhvillim publik për turizmin, shkruante “euronews”.
