Mbështetës të opozitës jo parlamentare në Burrel i janë bashkuar aksionit për të liruar ambientet zgjedhore, pas dekretit të presidentit Meta për anulimin e zgjedhjeve vendore të 30 qershorit.
Punonjësit e Policisë Bashkiake dhe militantë të Partisë Demokratike kanë tentuar të futen brenda KZAZ-së numër 16 në Burrel, me synimin për të dëmtuar materialet zgjedhore, duke bllokuar zhvillimin e zgjedhjeve.
Ndërkohë, situata ka degraduar, ku janë përdoruar shkopinj dhe gurë, ndërsa policia përdori dhe gaz lotsjellës për të shpërndarë protestuesit, në mënyrë që të shmangin çdo incident ndaj ambienteve të KZAZ-së.
