Skënder Gega, i cili riktheu pas 26 vitesh titullin kampion te Partizani, sezonin e ardhshëm do të drejtojë Kukësin.
Sipas SuperSport, presidenti Safet Gjici dhe tekniku 56-vjeçar janë në bisedime prej disa ditësh. Orges Shehi, i cili nuk i arriti objektivat që kishte kur u emërua trajner i verilindorëve do të hapë krahun.
Tashmë pritet vetëm zyrtarizimi i marrëveshjes, pasi janë përcaktuar të gjitha detajet për të cilat palët janë në dakordësi të plotë. Gega mësohet se do të marrë menjëherë frenat e Kukësit, për të nisur përgatitjet për sezonin e ri, ku impenjimi i parë do të jetë në Europa League.
