Tirana është tronditur që në orët e para të ditës nga një krim në familje, ku një punonjës i Gardës së Republikës, ka vrarë me armën e shërbimit bashkëshorten e tij, 36-vjeçaren Ervilma Seferi.
Policia dhe SHÇBA kanë vënë në pranga gardistin 44 vjeçar, Alket Arapaj. Nga të dhënat e para, ende jo zyrtare, dyshohet se shkak i vrasjes ka qenë një konflikt i çastit. Çifti ka edhe një fëmijë të mitur.
Alketi është babai i një vajze, dhe rezulton që si ai ashtu edhe bashkëshortja të kenë qenë besimtarë myslimanë.
Autori i krimit ka më shumë se 10 vjet që punon në strukturat e Gardës së Republikës.
“Shërbimet e Policisë të Komisariatit Nr.4, në bashkëpunim me SHÇBA, arrestuan në flagrancë shtetasin A. A., 44-vjeç (punonjës në Gardën e Republikës).
Rreth orës 06:00 të mëngjesit, në banesën e tij në Allias, ai dyshohet se ka vrarë me armën e shërbimit bashkëshorten, 36-vjeçe”, sqaron policia e Tiranës në njoftimin zyrtar.
