Sikundër është paralajmëruar, nesër pritet që të mbahet protesta e dytë nga ana e opozitës, për largimin nga qeveria të Ramës. Kryemadhi e Basha të cilët ishin në krye të protestës së mbajtur në datën 16 shkurt, njoftuan se protesta e radhës do të zhvillohet pranë Kuvendit të Shqipërisë.
Për ti paraprirë situatës e cila mund të jetë më e tensionuar se ajo e protestës së parë, Garda u ka bërë thirrje gazetarëve për t’u pajisur me maska kundra gaz.
Pas situatës së tensionuar ku përfundoi edhe me persona të lënduar, Garda për të qetësuar turmën, mund të përdorë sërish gazin lotsjellës. Ndodhur në këto kushte, Garda paralajmëron gazetarët që të marrin maska kundra gaz, për të shmangur çdo incident.
Sipas të dhënave paraprake, për mbarëvajtjen e protestës së nesërme do të angazhohen përveç Forcave të Rendit, edhe Forcat Speciale dhe Forcat e Ndërhyrjes së Shpejtë.
