Në orët e para të mëngjesit, si pasojë e shpërthimit të madh të flakëve të zjarrit në katin e nëndheshëm në garazhin e një pallati në rrugën “Aleksandri i Madh” në Astir, ka sjellë lëndimin e 8 personave dhe djegien e 4 makinave.
Policia e Tiranës bën me dije se për pasojë 8 banorë janë dëmtuar lehtë, dhe kanë shkuar për mjekim në spital. Bëhet fjalë për shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.
Ende nuk ka informacione nëse zjarri ishte aksidental, apo ndodhi për shkak të ndonjë defekti. Policia dhe grupi hetimor kanë nisur punën, për sqarimin e rrethanave të ngjarjes.
