Ish-Presidenti i Shteteve të Bashkuara të Amerikës, Donald Trump ka reaguat pas vendimit të platformës sociale Facebook, për të bllokuar llogarinë e tij deri në vitin 2023.
Përmes një deklarate, Trump e ka cilësuar të turpshëm këtë vendim të Facebook, shkruan Independent. Sipas tij, kjo është një fyerje për 75 milion persona të cilët e votuan më 3 nentor të vitit 2020, teksa shton se zgjedhjet presidenciale ishin të manipuluara.
“Vendimi i Facebook është një fyerje për 75 milion persona, të cilët votuan për ne në zgjedhjet e manipuluara presidenciale të vitit 2020. Ata nuk duhet të lejohen të largohen nga ky censurim dhe nga kjo heshtje, por në fund të fundit ne do të fitojmë. Vendi ynë nuk mund ta durojë më këtë abuzim”, tha Trump.
Vendimi i Facebook, vjen pasi Trump akuzohet se shkaktoi trazirat në Capitol Hill më 6 janar, ku mbetën të vrarë 5 persona dhe u plagosën qindra të tjerë.
