Opozita e bashkuar zhvilloi ditën e sotme një protestë që zgjati rreth 60 minuta, ku bllokuan qarkullimin rrugor në 5 akset kombëtare të vendit.
Por, gjatë protestës është shënuar një moment tensioni tek rreth-rrotullimin i sheshit “Shqiponja” në Tiranë, ku protestuesit u përplasën fizikisht me një qytetar, i cili ka tentuar të kalojë me makinën e tij mes tyre.
Ky veprim ka bërë që një nga protestuesit të irritohet, duke u konfrontuar me shoferin, teksa në video dallohet momenti kur e ka goditur atë.
Ndërhyrja e kreut të Partisë Republikane, Fatmir Mediu ka shuar përplasjen fizike mes protestuesit dhe shoferit, teksa ky i fundit ka mundur të kalojë rrugën.
