Futbollisti i Real Madrid, Luka Joviç është në hall të madh dhe rrezikon të dënohet me burg në Serbi. Sulmuesi shkeli urdhrin për të qëndruar 14 ditë në shtëpi, pasi fluturoi nga Spanja drejt Beogradit. 22-vjeçari, shkoi dhe festoi ditëlindjen e të dashurës dhe ka marrë kritika të forta, nga kryeministrja e vendit Brnabiç dhe presidenti Vuçiç.
“Për fat të keq ne kemi shembuj negativë të vendosur nga yjet tanë të futbollit. Ata fitojnë milionë dhe injorojnë urdhrin e detyrueshëm të izolimit kur kthehen në shtëpi”, u shpreh kryeministrja Ana Brnabiç.
Ndërkohë nga ana tjetër, presidenti Vuçiç e ka kërcënuar yllin e Realit me arrest. “Nëse ai largohet nga apartamenti, do të arrestohet. Mendoj se atij i vjen keq për atë që ka bërë, por unë dua t’ia bëj të qartë se jeta e qytetarëve tanë është më e rëndësishme se milionat e tij”, deklaroi Vuçiç.
