Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se të largoheshin me sende me vlerë. Lojtari është tërhequr zvarrë nëpër shtëpi nga grabitësit e maskuar.
Banda e grabitësve hyri në rezidencën e izoluar gjatë periudhës së fundit të ndeshjeve ndërkombëtare, duke besuar se ai kishte udhëtuar jashtë vendit. Por lojtari ishte liruar nga skuadra.
Teksa po shihte shokët e tij të skuadrës në televizor, katër grabitës hynë përmes një dere xhami. Partnerja e tij po bënte banjë në atë moment. Të dy u kapën dhe u lidhën dhe shtëpia u plaçkit.
Një burim tha: “Ishte makthi më i keq i të gjithëve. Ai ishte mjaft i guximshëm, dhe bëri më të mirën, por grupi e grabitësve ishin goxha agresivë”.
Sulmuesit u larguan me orë, stoli dhe sende elektrike. Kjo grabitje ka tronditur klubin e tij.
“Lojtari jeton një jetë me profil të ulët jashtë fushës, kështu që ai u trondit kur u vu në shënjestër”.
Burimi i lajmit: The Sun. Përshtatur nga Tirana Today
