Një futbollist është detyruar që të ndërrojë shtëpinë, pasi tifozët i kanë zbuluar adresën. Fama bën të vetën, ndaj futbollisti Xhek Grilish ka marrë masat e menjëhershme. Tifozët e Mançester Sitit kanë zbuluar adresën e tij, ndaj ai është detyruar që të bëj lëvizjen e menjëhershme, për të patur qetësi në banesën e tij.
Sulmuesi, i cili u bë këtë verë transferimi më i shtrenjtë në historinë e futbollit britanik (erdhi për 100 milionë paund nga Aston Vila), ka vendosur që të ndërrojë shtëpi vetëm pak javë pasi u akomodua. Arsyeja është siguria e tij dhe e së dashurës Sasha Atud.
Një burim tha për “The Sun”, se dyndjet e tifozëve në shtëpinë e 25-vjeçarit për të kërkuar foto dhe autografe, e bënë delikate situatën, aq më tepër që e dashura e tij është kërcënuar me jetë pas Europianit.
