Futbollisti slloven i Atalantas, Josip Ilicic po përballet me depresionin, pas tradhtisë së bashkëshortes. Madje ai po mendon që edhe të tërhiqet nga futbolli. Të paktën kështu bëjnë me dije mediat italiane, sipas të cilave ai udhëtoi drejt Sllovenisë për të befasuar gruan e tij, Tina Polovina-n. Për fat të keq, ai e kapi partneren në shtëpinë e tyre, duke e tradhtuar me një burrë tjetër.
32-vjeçari kishte marrë leje për t’u larguar nga kampi i stërvitjes së klubit italian, për arsye personale, por thuhet se po mendon të heqë dorë nga futbolli.
Teksa Instagrami i tij është mbushur me ofendime për Polovina-n, ai ka reaguar papritur me një postim, ku ka publikuar një foto me bashkëshorten.
Në këtë formë ka dashur që ti japë fund lajmeve që kanë pushtuar mediat këto kohë. Nuk dihet nëse ai e ka falur nënën e fëmijëve të tij.
Ai është njohur me bashkëshorten në vitin 2009, dhe brenda një kohe të shkurtër janë martuar. Ata kanë dy vajza, Sofia dhe Victoria.
