De Vrij vjen nga dështimi me kombëtaren e tij, Holandën pasi u eleminuan nga Çekia në 1/8-at e finaleve me rezultatin 2-0. Më herët ai doli kampion Italie me Interin dhe vitin tjetër luan në Champions. Por deri atëherë do të hedhë një tjetër hap të rëndësishëm në karrierën “tjetër”.
Mbrojtësi holandez, i cili gjithmonë ka pasur një pasion për muzikën dhe gjithashtu di të luajë në piano, së shpejti do të bëjë debutimin e tij si këngëtar.
Kënga e re (e para) nga De Vrij dhe grupi që mori pjesë në edicionin e trembëdhjetë të X-Factor në Itali do të titullohet “Hej Brother” dhe do të dalë në treg më 9 korrik.
