Një futbollist 16-vjeçar rus është në gjendje të rëndë, pasi është goditur nga rrufeja gjatë stërvitjes. Ivan Zaborsky, 16 vjeç po lufton me vdekjen, pas incidentit të tmerrshëm në Orekhovo-Zuyevo, pranë Moskës.
Pamjet janë tejet të rënda, ku tregojnë të riun që sapo godet topin, bie në tokë, e ndërsa futbollistët e tjerë të frikësuar, pa kuptuar se ç’po ndodhte me shokun e tyre, largohen në drejtime të kundërta.
https://www.youtube.com/watch?v=qwPbCp5nUHA
Adoleshenti, i cili po stërvitej veçmas shokëve, pasi luan në rolin e portierit, kishte në qafë një varëse metalike. Ka qenë pikërisht varësja ajo që u godit nga rrufeja. Sapo ai bie pa ndjenja në tokë, drejt tij shkojnë me vrap trajnerët dhe shokët e ekipit.
Partnerja e futbollistit ka thënë se Ivan Zaborsky është në gjendje të qëndrueshme. “Është në gjendje të qëndrueshme, por mjekët e kthyen në koma të induktuar për shkak të shokut të madh të pësuar. Në qafë i ka ngelur shenja e varëses që u godit nga rrufeja. Doktorët thanë se është me shumë fat që shpëtoi”.
