Kreu i qeverisë Edi Rama ka thirrur sot në ambientet e Kryeministrisë kryetarët e Bashkive. Ai po zhvillon një bisedë të gjatë me kryebashkiakët, që besohet se ka në fokus zgjedhjet e ardhshme.
Një ditë më parë, kryeministri Rama thirri në mbledhje deputetët e PS. Të gjitha këto takime kanë si kryefjalë garën e zgjedhjeve parlamentare, në një kohë që partitë kanë ndezur ‘motorët’ e fushatës.
“Nuk ka zgjedhje të parakohshme për Bashkitë, kryebashkiakët do të vijojnë mandatin e tyre. Unë nuk jam për lista të hapura, por çfarë nuk ndodh deri në fund. Kështu që kjo fushatë, është betejë e juaja. Në varësi të dinamikës politike, mund të mos kemi koalicione parazgjedhore”, mësohet t’u ketë thënë Rama dje deputetëve.
