Në fjalën e tij në çelje të fushatës, kryebashkiaku Erion Veliaj, tha se PS dhe ekipi i saj nuk mendojnë për zgjedhjet e ardhshme, por për gjeneratën e së ardhmes. Veliaj u shpreh se kandidon për një mandat të dytë dhe se kujtoi ditën e parë në Bashkinë e Tiranës, Veliaj tha se sot pas 4 vitesh Tiranës i ka ardhur ora, por ajo që ka mbetur në vend numëro është SHQUP-i.
“Kjo është Tirana , fitorja jonë e madhe, një mirëseardhje miqve nga gjithë Shqipëria. Sot është 1 qershori, dita e fëmijëve, një kujtesë që PS është e vetmja që kudo ku ka qeverisur, nuk ka menduar për zgjedhjet e ardhshme po për gjeneratën e ardhshme edhe sot, po takohemi në një hapësirë për të rinj e fëmijë. Mbaj mend ditën e parë në bashki, i kishte mbetur ora, pas 4 vitesh Tiranës e Shqipërisë i ka ardhur ora por ShQUP-it i ka mbetur ora në vend. S’mund t’i themi fëmijëve se një grup fëmijësh nuk janë gati të vijnë në betejë. Është betejë për fëmijët për të ardhmen, ndaj më 30 qershor duhet të fitojë Shqipëria e fëmijët e Shqipërisë kudo që janë.
Në qeverisjen e Ramës, ka bërë progresin më të madh, ama në 30 qershor e kemi vetë në dorë t’i japim fund tranzicionit e të jemi vendi dinjitoz. Gjatë këtyre viteve jemi munduar ku ka pas nevojë, ku ka pas mundësi për të ndrequr, por jam i bindur që ç’ka kemi bërë ne Tiranë do e bëjmë në gjithë territorin. Sot nuk janë vetëm socialistët, na janë bashkuar qytetarë nga gjithë territori që mendojnë se PS mund të qeverisë. Për të gjithë që fëmija është më i rëndësishëm, që nuk duan një 97 që e duan Shqipërinë si Europa ka vetëm një zgjidhje PS e kandidatët e saj .” u shpreh Veliaj.
