Prej më shumë se 2 javësh vendi ndodhet në izolim të plotë, për shkak të përhapjes së virusit Covid-19 në Shqipëri.
Në këto ditë të vështira për qytetarët, fondacioni “Fundjavë Ndryshe” vijon punën e palodhur për t’iu ardhur në ndihmë atyre në nevojë.
Që prej shpërthimit të koronavirusit në vend, ky fondacion ka ndihmuar rreth 7 mijë familje nga i gjithë vendi.
Më shumë se 210 ton ushqime (miell, sheqer, oriz vaj, makarona, patate, fasule, ujë, etj) si veshje për të gjitha moshat, dyshekë, batanije, ilaçe janë vënë në dispozicion të njerëzve nga “Fundjavë Ndryshe” këto ditë.
Gjithashtu familjet janë pajisur me detergjentë për dezinfektimin e ambienteve ku jetojnë.
Fondacioni “Fundjavë Ndryshe” do vijojë çdo ditë që të vizitojë dhe të ndihmojë familjet në nevojë, për t’i pajisur ato me mjetet më të domosdoshme.
