Fondacioni “Fundjavë Ndryshe” në bashkëpunim me emisionin “Stop” kanë mundur të ndërtojnë në kohë rekord dy shtëpi për dy familje që jetonin në kushte të vështira. E para që është bërë me shtëpi është familja e të moshuarit nga Rrësheni, Zef Tuçit, ndërsa famija e dytë është pak kilometra nga Tiranë, përkatësisht në Paskuqan.
Shtëpia e dytë i është ndërtuar familjes Burbuqe Buçi në Pakuqan, ndërsa falënderimet dhe mirënjohjet për fonacionin ishin të shumta. Drejtuesi i fondacionit “Fundjavë Ndryshe”, Arbër Hajdari tregoi se nisma të tilla do të vijojnë edhe në shumë familje të tjera shqiptare.
E kush nuk e mban mend rastin e Zef Tuçit, kryefamiljarit të sëmurë me kancer, që jetonte në Rrëshen në kushte të mjerueshme. Vetë i pesti në familje, Zefi jetonte mes skamjes e sëmundjes, me vetëm 140 mijë lekë të vjetra në muaj, por sot gjërat kanë ndryshuar plotësisht.
Sot ka ndryshuar gjithçka për familjen e Zefit, pasi fondacioni “Fundjavë Ndryshe” së bashku me emisionin investigativ “Stop” i kanë ndërtuar shtëpinë e re. Drejtuesi i fondacionit “Fundjavë Ndryshe”, Arbër Hajdari ka rrëfyer të gjithë historinë prej ditës që takoi Zefin në Rrëshen dhe deri tek ndërtimi i shtëpisë së re.
“Ne e kemi marrë Zefin, që atë ditë kur është transmetuar kronika. Të nesërmen e kemi sjell në Spitalin Amerikan. E kemi transferuar më pas te Onkologjiku. Ka marrë deri tani 8 qese me gjak, pas kësaj kemi nisur punën për t’i ndërtuar shtëpinë. Tani, Zefit i kemi bërë shtëpinë. Ajo është ndërtuar për 29 ditë. Ka patur shqiptarë, por edhe të huaj që kanë kontribuuar”-tha Hajdari.
Biseda me Zefin:
Arbëri: Sot po e marrin dhe po nisemi drejt Rrëshenit për të inauguruar shtëpinë e re?
Arbëri: Jemi gati Zef?
Zefi: Po jemi
Arbëri: Ta gëzosh shtëpinë!
Zefi: Faleminderit shumë
Zefi: Jam i lumtur edhe i gëzuar dhe në veçanti falënderoj Arbërin. TIRANA TODAY
